Alderdiak agerian uzten du zein garrantzitsua den industria estrategikoa Europaren benetako subiranotasuna bermatzeko.

Geroa Socialverdes Sozialberdeak taldeak “Topaketa Sozialberdeak” jarri ditu abian asteburu honetan, gaurkotasuneko gaiak jorratuko dituzten hitzaldiak. Oraingo honetan, ‘Estado de bienestar. Ongizate Estatua’ lelopean alderdiko militanteek ongizatearen estatuaren egungo egoera aztertu dute. Azken hamarkadan Nafarroako politika publikoetan gai horiei dagokienez izan diren aldaketak, eta Europako bidegurutzearen aurrean etorkizun hurbilean landu behar diren ekimenetako batzuk planteatu dituzte.

Geroa Socialverdes Sozialberdeak alderdiak agerian utzi du “guztiz lehentasunezkoa” dela “egungo ongizate estatua birformulatzea, berrindartzeko”. Ildo horretan, alderdiaren arabera, “hori lortzeko funtsezko zutabea industria-planak eta industria-sektorearen garapena izango dira, armamentu-industriari buruzko egungo eztabaida gaindituz eta energia, elikagai eta gizarte eta osasun garapenaren aldeko apustua eginez, Europak auto hornikuntza arazo larriak dituen lekuetan”.

Horrela, “beharrezkoa da industria bat izatea, Europak benetako subiranotasuna lor dezan teknologiari, energiari, elikadurari eta osasunari dagokienez, esparru horiek ere estrategikoak baitira”.

Geroa Socialverdes Sozialberdeak koaliziotik gogorarazi dutenez, azken egunotan argi geratu da “Europak defentsaren arloan dituen inbertsioak indartzea erabaki duela, ziurrenik Europar Batasuneko kide diren herrialde ezberdinetako politika sozialen kaltetan”. Beraz, erabaki horren aurrean, alderdiak proposatzen duena da “ongizatearen estatua birformulatzea, indartzea, bermatu ahal izateko”.

HURRENGO TOPAKETAK

Hurrengo hitzordua, “Topaketa Sozial Berdeen” barruan, apirilaren 12an izango da, Buñuelen. Jose Mari Aierdi Landa Garapeneko kontseilariak hitzaldia emango du Erriberan, “Politika publikoak landa mundu bizi baterako” izenburupean.

Bestalde, maiatzaren 17an, Peraltan, Geroa Sozialberdeak-en Udal Foroaren lehen topaketa egingo da, udaletako ordezkariak bilduko dituena. Ondoren, topaketa bat egingo da udal bizitzaren erronkak aztertzeko, tokiko talde eta alderdi independenteen ordezkariekin.