Pablo Azcona Geroa Socialverdeseko idazkari nagusi eta Geroa Bairen Parlamentuko bozeramailea pozik agertu da 2026rako Nafarroako Aurrekontu Orokorren Legearen aurreproiektua onartzea ahalbidetu duen akordioarekin. “Pozik gaude aurrekontu-gastuaren muga zehaztearekin, bai eta lehentasunezkoak diren eta aurrekontuen aurreproiektuan sartu diren beste gai politiko batzuekin ere, akordio programatikoa bultzatzearekin batera”, adierazi du Azconak.

Gogoratu behar da, Geroa Baik proposatuta, datorren urterako Aurrekontuen Legearen aurreproiektuak honako hauek aurreikusten dituela: 2026-2027 ikasturterako faltzetan D eredua ezartzea, adinekoen egoitzetan eta eguneko zentroetan plazen hitzartze sistema eguneratzeko negoziazioa (Open House), Nafarroako Garraio Azpiegituren Planaren garapena eta hiri arteko garraioaren hobekuntza, eta despopulazioaren aurkako eta landa-garapenerako Legea bultzatzea.

Azconak adierazi duenez, “negoziazioaren hurrengo fasearen aurrean gaude, aurrekontu hauek osatuko dituzten zuzenketekin zerikusia duten akordioekin”. Era berean, neurri fiskalei helduko zaiela ziurtatu du.